Lənkəran rayonunun Sütəmurdov kəndində baş vermiş qəzanı törədən şəxsin kimliyi məlum olub. Bu haqda məlumatı İnsanoid Cənublu.az-a istinadən bu gün, 20 may tarixində verir.
Həmin şəxs məşhur həkim, Lənkəran rayon Mərkəzi Xəstəxanasının Doğum şöbəsində çalışan mama-ginekoloq Mehparə Rufullayevanın oğlu, 21 yaşlı Əli Rufullayevdir.
O, bir neçə ay öncə “VAZ-2107” markalı avtomobili ilə Nizami və Tağıyev küçələrinin kəsişməsində törətdiyi qəza ilə daha bir ölümə səbəb olmuşdur.
Mediada doğuş zamanı ölüm hadisələri ilə bağlı gündəmdə olan Mehparə Rufullayeva 2014-cü ilin oktyabr ayında Astara rayonunun Ərçivan kənd sakini, 43 yaşlı Xoşqədəm Məmmədovanı qeysəriyyə əməliyyatı edib. Bunun nəticəsində pasiyent dünyasını dəyişib.
Eyni hadisə 2015-ci ildə Cəlilabadın Alar kənd sakini, 37 yaşlı Rəhimə Nuriyevanın da başına gəlib.
Əli Rufullayevin idarə etdiyi “Hyundai” markalı avtomobilin “VAZ-2106” avtomobilinə çarpılması nəticəsində sonuncunun sürücüsü, 37 yaşlı Nahid Turabov hadisə yerindəcə vəfat edib. Onun iki azyaşlı qız övladı qalıb.
Avtomobildə sərnişin qismində əyləşən 39 yaşlı Ülviyyə Hüseynova isə ağır xəsarətlərlə xəstəxanaya yerləşdirilib.
