Lənkəran-Lerik yolunun Sivəkəran kəndi ərazisində yerləşən “Təbəssüm” İstirahət Mərkəzində yanğın hadisəsi, ilkin məlumata görə, gecə saat 3 radələrində başlayıb. Bu barədə 1 fevral tarixində Report məlumat verib.
Taxta konstruksiyalı ikimərtəbəli 2 kottec, digər ikisində tavan və dam örtükləri və əsas xidməti binanın mətbəx hissəsi, ümumilikdə 410 kvadratmetr sahə tam olaraq yanıb. Yanğının digər kotteclərə və meşə ərazisinə keçməsinin qarşısı alınıb. Xəsarət barədə məlumat yoxdur.
Yanğın səhər saat 6:30-da lokallaşdırılıb. Onun mətbəxdə qısaqapanmadan baş verdiyi ehtimal edilir.
Faktla bağlı araşdırma aparılır.
[playlist type="video" tracklist="false" ids="160786"]
