17:03
Lerikdə avtomobilin dərəyə aşması nəticəsində ölən və yaralananların kimliyi məlum olub.
Qəza zamanı Lənkəran rayonunun Kərgəlan kənd sakini, 19 yaşlı Rəvan İbadzadə dünyasını dəyişib.
Onun həmkəndliləri – sürücü, 25 yaşlı Zəka Həmidovla 24 yaşlı Amin İbadov xəsarət alıblar.
Faktla bağlı araşdırma aparılır.
Z.Həmidov Qarabağ qazisidir.
Lerikdə avtomobil dərəyə aşıb - 13:07
Lerik rayonunda ölüm və xəsarətlə nəticələnən yol-nəqliyyat hadisəsi baş verib. Bu barədə Report 4 may tarixində xəbər verib.
Lənkəran-Lerik yolunun 39-cu kilometrində minik avtomobili idarəetmədən çıxaraq dərəyə aşıb.
Hadisə yerinə Fövqəladə Hallar Nazirliyi Cənub Regional Mərkəzinin xilasediciləri cəlb olunublar.
İlkin məlumata görə, hadisə zamanı bir nəfər yerindəcə ölüb, azı iki nəfər yaralanıb.
Yaralılar və ölən şəxs deformasiyaya uğrayan avtomobildən çıxarılıblar.
Xəsarət alan şəxslər xəstəxanaya çatdırılıblar.
Faktla bağlı araşdırma aparılır.
