Böyük Britaniyanın paytaxtı Londonda yerləşən Azərbaycan Evi Mədəniyyət və Dostluq Mərkəzinin təsisçisi və rəhbəri Əli Tekin Ataların təşəbbüsü ilə 20 Yanvar hadisələrinə həsr edilmiş anım tədbiri keçirilib.
Bu barədə İnsanoid Azərbaycanın Birləşmiş Krallıqdakı səfirliyinə istinadən bu gün, 22 yanvar tarixində xəbər verir.
Tədbirin açılışında şəhidlərin ruhu bir dəqiqəlik sükutla yad edilib və Azərbaycanın Dövlət Himni səsləndirilib.
Əli Tekin Atalar, Azərbaycanın Böyük Britaniyadakı səfiri Elin Süleymanov, Britaniya Azərbaycan Cəmiyyətinin sədri Fəridə Pənahova, gürcü əsilli tədqiqatçı Tamara Draqadze və britaniyalı jurnalist Neil Vatson 1990-cı ilin 20 Yanvar faciəsi ilə bağlı təəssürat və xatirələrini iştirakçılarla bölüşüblər.
Çıxışlardan sonra Azərbaycan xalq musiqisi səsləndirilib və şəhidlərin ruhuna ehsan verilib.
20 Yanvar faciəsinə həsr edilmiş digər tədbir Londonda fəaliyyət göstərən Britaniya Avropa Azərbaycan məktəbində keçirilib. Tədbir zamanı məktəbin şagirdləri Azərbaycan tarixinə və 20 Yanvar hadisələrinə həsr olunmuş şeirlər səsləndiriblər.
[caption id="attachment_159639" align="alignnone" width="696"]
Foto Azərbaycanın Birləşmiş Krallıqdakı səfirliyi[/caption]
