Mədəniyyət Nazirliyi “İrsimizi tanıyaq, tanıdaq” adlı sosial videoçarx müsabiqəsi elan edir. Bu barədə 19 iyul tarixində nazirlik məlumat yayıb.
Müsabiqə Azərbaycanın qədim tarixi və zəngin mədəniyyətinin təbliği, mədəniyyətə, incəsənətə, milli-mənəvi dəyərlərə, adət-ənənələrimizə hörmətin qorunub saxlanılması məqsədilə təşkil olunur.
Müsabiqə iki mərhələdən ibarətdir. Qaliblərin adları sentyabrın 20-də elan olunacaq.
Qatılmaq istəyən şəxslər hazırladıqları videoçarxı 20 iyul – 4 sentyabr 2023-cü il tarixlərində onlayn şəkildə təqdim edə bilərlər.
Müsabiqə haqqında ətraflı məlumatı link vasitəsilə əldə etmək mümkündür.
