Azərbaycan Velosiped Federasiyasının (AVF) prezidenti Mədət Quliyev Avropa Motosikletçilər İttifaqının keçmiş vitse-prezidenti Mişel Turk ilə görüşüb. Bu barədə Report 29 aprel tarixində xəbər verib.
Lüksemburqdan olan funksioner köhnə qitədə motosiklet idmanının hazırkı vəziyyəti və inkişafı haqqında məlumat verib.
M.Quliyev isə ölkədə idmana dövlət səviyyəsində göstərilən diqqət və qayğıdan danışıb. O, bədən tərbiyəsi və idmanın inkişafının Azərbaycanın dövlət siyasətinin prioritet istiqamətlərindən olduğunu vurğulayıb.
O, gənclərin motosiklet idmanına böyük maraq göstərdiklərini, bu idman növünün Azərbaycanda populyar olduğunu bildirib.
M.Quliyev ölkədə motosiklet idmanı üzrə yarışların keçirilməsi üçün inşa edilən yeni motokros treki, motoidmanın inkişafı istiqamətində aparılan digər işlər haqqında danışıb.
Görüş zamanı birgə əməkdaşlıqla bağlı müzakirələr aparılıb.
