Sosial şəbəkələrdə salonunda bir neçə gəncin olduğu avtomobilin qəzaya düşməsini əks etdirən görüntülər yayılıb. Bu barədə 13 iyun tarixində “Qafqazinfo” məlumat yayıb.
Bu video ötən ay sürücü Vəfadar İsmayılzadənin törətdiyi qəzadır. Onun meyiti hadisədən 3 gün sonra tapılmışdır. Həmin hadisə bu il mayın 28-də Bərdə - Mingəçevir yolunun Yevlax rayonundan keçən hissəsində baş verib. Belə ki, Bərdə sakini, 2003-cü il təvəllüdlü İsmayılzadə Vəfadar Eldar oğlunun idarə etdiyi “Mersedes C 200” markalı avtomobilin Yevlaxın Kolanı kəndi ərazisindən keçən 42-ci km-də aşması nəticəsində 2 nəfər ölüb, daha 3 nəfər xəsarət alıb.
Avtomobildə olan sərnişin, 2007-ci il təvəllüdlü Fərzəliyev Şahlar Səxavət oğlu hadisə yerində ölüb, digər sərnişinlər: 2006-cı il təvəllüdlü Hacızadə Məhəmməd Elnur oğlu, 2003-cü il təvəllüdlü Məhərrəmov Mikayıl Həsrət oğlu və Yusufov Əli Pərviz oğlu müxtəlif dərəcəli bədən xəsarətləri alıblar. Hadisədən sonra sürücü Vəfadar İsmayılzadəni qəzanın baş verdiyi yerdə aşkar etmək mümkün olmayıb. 20 yaşlı sürücü qəzadan sonra yaralı halda “Yuxarı Qarabağ” kanalına düşüb və onun meyiti axtarışlardan sonra iyunun 1-də tapılıb.
[playlist type="video" tracklist="false" ids="118918"]
