Dünyanın bir nömrəli şahmatçısı Maqnus Karlsenin Bakıda keçiriləcək Dünya Kubokunda iştirak edəcəyi təsdiqlənib. Bu barədə Report 12 iyun tarixində xəbər verib.
Norveçli qrosmeyster iyulun 29-da start götürəcək yarışın ən reytinqli şahmatçısı olacaq. Rusiyalı Yan Nepomnyaşi də Dünya Kuboku uğrunda mübarizəyə qatılacaq.
Qadınlar arasında FIDE reytinqinin 2-3-cü yerlərində qərarlaşan Hampi Koneru (Hindistan) və Yu Venyun (Çin) da Bakıya gələcəklər.
Ümumilikdə 206 kişi şahmatçıdan 146-sının, qadınlarda isə 103 nəfərdən 71-inin Dünya Kubokunda iştirakı təsdiqlənib. 15-30 iyul aralığında digər namizədlər iştiraklarını təsdiqləməlidirlər.
