Azərbaycan xalqı adından Fransa Senatına ünvanlanan petisiyanı artıq 50 mindən çox insan dəstəkləyib. Petisiya Fransanın Mesopinions.com saytında oktyabrın 11-də yerləşdirilib.
Həmfikirlilərimiz tərəfindən müxtəlif ölkələrin şəhərlərinə dəstək məqsədilə aksiyalar keçirilib. Belə ki, aksiyalar oktyabrın 15-i Bakıda, 19-u Rusiyanın Moskva şəhərində və 26-ı Qazaxıstanın Astana şəhərində təşkil olunub. Aksiya iştirakçıları əllərində İkinci Qarabağ müharibəsi zamanı Gəncə və ölkənin digər şəhərlərinə raket atəşi nəticəsində həlak olan uşaqların şəkillərini tutublar.
Səsimizi dünya ictimaiyyətinə eşitdirmək üçün Azərbaycan xalqı adından ünvanlanan bu çağırışa bir çox məşhur şəxslər, həmçinin Türkiyə, İsrail, Qazaxıstan, İran mediası da dəstək göstərib.
Bu təşəbbüsə dəstək olan hər kəsə dərin minnətdarlığımızı bildiririk!
Petisiyanın müəllifləri Azərbaycanın fərqli şəhərlərindən və rayonlarından olan 10 vətəndaşdır. Onlar müzakirəyə çıxarılması 15 noyabr tarixinə təyin edilən Fransa Senatının qətnamə layihəsinə qarşı çıxış ediblər.
Bu qətnamə layihəsinə Azərbaycanı “kütləvi və hərbi cinayətlər üzrə” ittiham etməsi, Fransa hakimiyyəti və Avropa İttifaqının Azərbaycana qarşı sanksiyalar tətbiq etməyini başlatmağa çağırmaq və Ermənistanın Fransa tərəfindən müasir silahla təmin olunması da daxildir.
Qoy fransızlar və bütün Avropa görsün ki, biz səssiz boz kütlə deyilik! Qoy, nəhayət ki, səsimiz eşidilsin!
Buna görə də səs ver, dostların və doğmaların ilə paylaş!
Petisiyanın Azərbaycan dilində imzalanma qaydası
Petisiyanın rus dilində imzalanma qaydası
Petisiyanın türk dilində imzalanma qaydası
Petisiyanın fars dilində imzalanma qaydası
#BizAzərbaycanıq #AzərbaycanıQoruyaq
