2022-ci ilin martında Azərbaycanda gündəlik neft (kondensatla birlikdə) hasilatı 696,4 min barel olub. Bu barədə 13 aprel tarixində Energetika Nazirliyi məlumat verib.
Bildirilib ki, gündəlik hasilatın 579,4 min barelini xam neft, 117 min barelini isə kondensat təşkil edib.
Qeyd edək ki, “OPEC plus” ölkələri nazirlərinin 25-ci iclasında qəbul edilmiş qərara əsasən, Azərbaycanda gündəlik xam neft hasilatının 2022-ci ilin mart ayında daha 7 min barel artırılaraq 675 min barelə çatdırılması nəzərdə tutulurdu.
