Bədən tərbiyəsi və idman istiqamətində 61-ci komissiyaya aid məşqçilik ixtisasının idman növləri üzrə xüsusi qabiliyyət imtahanları başlayıb. Bu haqda 27 iyul tarixində Dövlət İmtahan Mərkəzi məlumat yayıb.
İyulun 26-dan avqustun 7-dək davam edəcək imtahanlar, əsasən, Bakıda, avqustun 7-də isə Naxçıvan MR-in Şərur şəhərində keçiriləcək.
Məşqçilik ixtisası üçün abituriyentlər 20 idman növü üzrə qabiliyyət imtahanı verirlər.
Onlara imtahan zamanı idman hərəkətləri, normativlər və təhlükəsizlik qaydaları izah olunur və onların icrası üçün abituriyentlər lazımi avadanlıqlarla təmin olunurlar.
Naxçıvan MR-də yaşayan və Bakıda imtahan verəcək 20 abituriyent üçün təyyarə biletləri Gənclər və İdman Nazirliyi tərəfindən təmin edilib.
İmtahan normativləri ilə "Abituriyent" jurnalının Bədən tərbiyəsi və idman istiqaməti üzrə xüsusi buraxılışında və DİM-in "Youtube" səhifəsində tanış olmaq olar.
