Bakı şəhəri Səbail rayonunun Üzeyir Hacıbəyli küçəsində yerləşən "McDonalds" restoranında insident baş verib. Bu barədə Qafqazinfo 8 iyul tarixində xəbər verir.
Müştərilərdən biri restoran əməkdaşları ilə mübahisə edib. Həmin şəxs sifariş menyusunun olduğu monitora zərbələr endirərək ekranı sındırıb.
Hadisə barədə mühafizə polisinə həyəcan siqnalı daxil olub. Mühafizə polisinin əməkdaşları restorana gələrək aparatı sındıran şəxsi saxlayıblar.
Ərazi üzrə polis bölməsinə aparılan şəxsin 2001-ci il təvəllüdlü Əli Hüseynov olması müəyyən edilib.
