Mehdi Hüseynzadə adına Sumqayıt şəhər stadionunda yenidənqurmadan sonra keçiriləcək ilk oyundan əvvəl konsert proqramı olacaq. Bu barədə İnsanoid Report-a istinadən bu gün, 17 yanvar tarixində xəbər verir.
Fevralın 4-də Premyer Liqanın XXI turu çərçivəsində baş tutacaq “Sumqayıt” – “Neftçi” görüşü öncəsi təxminən yarımsaatlıq musiqili proqram təşkil ediləcək.
Həmçinin qarşılaşma üçün bilet satışı da nəzərdə tutulub.
Bilet satışı yaxın günlərdə “iTicket” platformasında elan ediləcək. Qiymətlər barədə yekun qərar olmasa da, azarkeşlər üçün münasib rəqəmlər nəzərdə tutulacaq.
Fevralın 4-də keçiriləcək “Sumqayıt” – “Neftçi” oyunu saat 15:00-da başlayacaq.
