"Bakı Metropoliteni" QSC-nin Rusiyanın “Metrovaqonmaş” müəssisəsindən aldığı sonuncu 2 qatar Bakıya çatıb. Bu barədə 5 noyabr tarixində Report qurumun mətbuat xidmətinin rəhbəri Bəxtiyar Məmmədova istinadən məlumat verib.
Onun sözlərinə görə, hazırda vaqonlar depodadır: "Sazlanma, sınaq və tənzimlənmə prosesindən sonra qatarlar xəttə buraxılacaq. Bununla da Bakı metrosunda yeni qatarların sayı 23-ə, vaqonların sayı isə 115-ə çatıb".
Qeyd olunub ki, 2019-cu ildə bağlanmış müqaviləyə əsasən, Bakı metrosu 2020-2022-ci illərdə Rusiyadan ümumilikdə 12 qatar (60 vaqon) almalıdır.
