Minimum əməkhaqqı artımı üçün 2022-ci ilin dövlət büdcəsindən ayrılan əlavə illik vəsait 460 milyon manat təşkil edir. Bu barədə 15 mart tarixində Apa Baş nazir Əli Əsədova istinadən bildirilib.
Məlumatda bildirilib ki, ümumilikdə 2022-ci il üzrə əməkhaqqı, pensiya və digər sosial ödənişlərin artımı ilə bağlı sosial paket 3,4 milyon şəxsi əhatə edir. Bu artımlar üçün ayrılan illik əlavə vəsait 2,1 milyard manat təşkil edir.
“Vətən Müharibəsində əlil olmuş şəxslərə, şəhid ailələrinə, həmçinin sosial cəhətdən həssas təbəqədən olan digər ailələrə 2021-ci ildə 3000-dən artıq mənzil təqdim edilib”, - deyə Baş nazir əlavə edib.
Qeyd edək ki, Azərbaycanda 2022-ci ilin yanvarın 1-dən minimum əməkhaqqı 300 manat təşkil edir.
