Azərbaycan Ordusunun hərbçisi dəm qazından boğulmayıb. Bu barədə 1 noyabr tarixində Report Müdafiə Nazirliyinə istinadən bildirilib.
"Bəzi kütləvi informasiya vasitələrində guya Azərbaycan Ordusunun hərbi qulluqçusu Yusifli Seymur Teymur oğlunun dəm qazından boğularaq vəfat etməsi barədə məlumat yayılıb.
Bildiririk ki, Müdafiə Nazirliyinin bazasında qeyd olunan ad və soyadda Azərbaycan Ordusunda xidmət edən hərbi qulluqçu mövcud deyil”, - məlumatda qeyd edilib.
