Bakıda moped sürücüləri ilə bağlı nəzarət tədbirləri keçirilib. Bu haqda aprelin 13-də Bakı Şəhər Dövlət Yol Polisi İdarəsindən Baku TV-yə məlumat verilib.
“Tədbirdə moped sürücülərinə kaskadan istifadə etmələri, ümumi nəzərdə tutulan qaydaları pozmamaları tələb edilib. Xüsusilə, kuryer xidmətini həyata keçirən şəxslərlə söhbət aparılıb”, - deyə məlumatda bildirilib.
Həmçinin qeyd edilib ki, mühərrik həcmləri 50 kubmetrə qədər olan mopedlərin dövlət qeydiyyatına alınması və sürücülük hüquqlarının təmin olunması ilə bağlı müvafiq qanunvericiliyə DİN tərəfindən təkliflər verilib.
2021-ci ildə Azərbaycanda mopedlərlə 19 yol qəzası qeydə alınıb. Qəzalar nəticəsində 4 nəfər ölüb, 17 nəfər xəsarət alıb.
