Moskva metrosunda 75 yaşlı kişi şaurmaya görə atəş açıb. Bu barədə 17 noyabr tarixində Lent.az Rusiya Telegram kanallarına istinadən məlumat verib.
Münaqişə səhər saat 5-də Ryazanski prospekti ərazisindəki “fast food” məkanında baş verib. Kamran Qarayevlə şirniyyat satıcısı Nazim Musayev mübahisə ediblər. Ahıl kişi bir neçə saatdan sonra 16 kalibrli “Bekas-3” markalı odlu silahı götürərək geri qayıdıb.
Dava tədricən metronun foyesinə keçib. Kişilər dalaşıblar və silahdan atəş açılıb. Atəş nəticəsində güllə tavana dəyib. Kamran metronun təhlükəsizlik işçiləri və narahat olan sərnişinlər tərəfindən saxlanılıb. Silah götürülüb, cinayət işi başlanılıb.
Saxlanılan şəxsin Azərbaycan vətəndaşı olduğu, uzun müddət mühafizəçi işlədiyi və bunun sayəsində silah icazəsi aldığı məlum olub. O, polisə deyib ki, sadəcə olaraq, rəqibini qorxutmaq istəyib, ona görə də atəş açıb.
[playlist type="video" tracklist="false" ids="138217"]
