Naxçıvan regional “ASAN xidmət” mərkəzinin açılış mərasimi olub. Bu barədə İnsanoid qurumun mətbuat xidmətinə istinadən bu gün, 18 may tarixində xəbər verib.
Açılış mərasimində Naxçıvan Muxtar Respublikasında Azərbaycan Prezidentinin səlahiyyətli nümayəndəsi Fuad Nəcəfli və Azərbaycanın Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev iştirak ediblər.
Naxçıvan “ASAN xidmət” mərkəzi ümumilikdə respublika üzrə 26-cı mərkəzdir.
Mərkəzin tikintisinə 2020-ci ildə başlanılıb, 2023-cü ilin may ayında tikinti başa çatdırılıb.
“ASAN xidmət” mərkəzində videomüşahidə, görüntüləmə və videonövbə sistemləri, 2 ədəd lift, yanğınsöndürmə sistemi, mərkəzləşdirilmiş havalandırma, istilik sistemi, generator və UPS quraşdırılıb.
“ASAN xidmət” mərkəzi Naxçıvan şəhərinin Seyid Cəfər Pişəvəri, 7 ünvanında inşa edilib. Ümumilikdə Naxçıvan Muxtar Respublikasında qeydiyyatda olan 465 min vətəndaşın əhatəsində olan mərkəz ərazi məhdudiyyəti olmadan fəaliyyət göstərəcək.
Mərkəzdə müxtəlif dövlət orqanları, həmçinin özəl şirkət və müəssisələr tərəfindən ümumilikdə 360-dan çox xidmət həyata keçiriləcək.
Əməkdaşların ümumi sayı 228, könüllülərin sayı 45 nəfər nəzərdə tutulur.
Mərkəzin daxilində vətəndaşların istirahəti üçün “ASAN kafe” nəzərdə tutulub.
“ASAN xidmət” mərkəzinin ərazisində 50 avtomobil üçün parklama yeri yaradılıb.
[caption id="attachment_116264" align="alignnone" width="696"]
Foto ASAN xidmətin rəsmi Facebook səhifəsi[/caption]
