Naxçıvan şəhərinin 3-cü mikrorayonu ərazisində, Babək küçəsinin magistral su xəttində qəza baş verib. Bu barədə Report 2 noyabr tarixində xəbər verib.
Qəzaya səbəbin qaynaq birləşmələrinin keyfiyyətsiz olması göstərilir.
Nəticədə Babək, 6-cı məhəllə və Hacıniyyət kəndləri ərazisində suyun verilişi dayandırılıb.
Naxçıvan Su kanalizasiya İdarəsinin əməkdaşları hadisə yerinə gələrək təmir işlərinə başlayıblar.
Bildirilib ki, saat 13:00-dan sonra əraziyə suyun verilişi tam bərpa ediləcək.
