Naxçıvan Daxili İşlər Nazirliyinin apardığı araşdırmalar nəticəsində kibercinayətlə məşğul olan şəxslər saxlanılıblar. Bu barədə href="https://report.az/hadise/naxcivanda-telebeleri-aldadaraq-621-min-manatliq-kibercinayet-toretmis-sexsler-saxlanilib/">Report 16 dekabr tarixində xəbər verib.
Onlar müxtəlif yollarla vətəndaşları aldadaraq, külli miqdarda vəsaiti mənimsəyiblər.
Babək rayon sakinləri Seyidov Mircoşqun Məhərrəm oğlu və Edilxanov Hikmət Məhərrəm oğlu 10-a yaxın universitet tələbəsini aldadaraq onların hər birinin adına bir mobil nömrə və 5 bank kartı rəsmiləşdiriblər. Sonra həmin kartlar Bakı şəhərinə göndərilib və bu kartlar vasitəsilə internet şəbəkələrində kibercinayətlər törədilib. Həmin kartlardan dövriyyə 621 min manat olub.
Bundan başqa, digər əməliyyat nəticəsində Naxçıvan şəhər sakini Səfərov İlqar İslam oğlu saxlanılıb. O, sosial şəbəkədə hesab açaraq, xəstə uşağına pul yığmaq adı ilə insanları aldadıb və 22 min manat mənimsəyib.
