Bu ilin yanvar-iyul aylarında Naxçıvan MR-da 3 540 yeni vergi ödəyicisi qeydiyyata alınıb. Bu barədə 10 avqust tarixində Dövlət Vergi Xidməti xəbər yayıb.
Bunların 89,4%-i fiziki, 10,6%-i hüquqi şəxslər və digər təşkilatlar olub.
Keçən ilin eyni dövrü ilə müqayisədə qeydiyyata alınmış vergi ödəyicilərinin sayı 2,2 dəfə, o cümlədən fiziki şəxslərin sayı 2 dəfə, hüquqi şəxslərin sayı isə 34 dəfə artıb.
Qeyd edilən müddət ərzində kommersiya qurumlarının 60,5%-i elektron qaydada, 39,5%-i isə kağız daşıyıcıları vasitəsilə edilmiş müraciətlər əsasında uçota alınıb.
