Naxçıvanda yeni internat məktəbi binası inşa olunacaq. Bu barədə İnsanoid bu gün, 5 iyun tarixində xəbər verib.
Bu, Prezident İlham Əliyevin təsdiqlədiyi “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”nda yer alıb.
Yeni internat məktəbi binasının inşası ilə bağlı layihə sənədlərinin hazırlanması Naxçıvanın Nazirlər Kabinetinə tapşırılıb. Digər icraçı qurum isə Elm və Təhsil Nazirliyidir.
Sənəddə ümumi təyinatlı internat tipli ümumtəhsil məktəblərinin əhatə dairəsinin genişləndirilməsi əsas hədəf kimi müəyyənləşdirilib və icra müddəti 2023-2027-ci illər üçün nəzərdə tutulub.
Məqsəd aztəminatlı və xüsusi himayəyə ehtiyacı olan uşaqların təhsil imkanlarının genişləndirilməsidir.
