Bakıda iki yaşlı körpə xəstəxanada ölüb. Bu barədə Report 14 iyun tarixində xəbər verib.
TƏBİB-dən bildirilib ki, yol-nəqliyyat hadisəsi nəticəsində ağır xəsarətlər alan 2022-ci il təvəllüdlü azyaşlı oğlan uşağı iyunun 13-ü saat 22:00 radələrində huşsuz vəziyyətdə Respublika Neyrocərrahiyyə Xəstəxanasına hospitalizasiya olunub.
Qeyd olunub ki, vəziyyəti ağır qiymətləndirilən azyaşlı dərhal Reanimasiya şöbəsinə yerləşdirilib, instrumental müayinələr aparılıb və zəruri tibbi xidmətlər göstərilib.
"Təəssüf ki, reanimatoloji tədbirlərə baxmayaraq, azyaşlının iyunun 14-ü saat 02:30 radələrində posthemorragik şok, baş beyinin ağır dərəcəli əzilməsi, kəskin ürək-qan dövranı, tənəffüs pozuntuları diaqnozları ilə ölüm faktı qeydə alınıb", - məlumatda vurğulanıb.
Neyrocərrahiyyə Xəstəxanasında 2 yaşlı uşağın öldüyü İDDİA olunur 11:20
Bakıda xəstəxanada azyaşlının öldüyü iddia edilir. Bu barədə İnsanoid sosial şəbəkələrə istinadən bu gün, 14 iyun tarixində xəbər verir.
Yayılan görüntülərdə 2 yaşlı uşağın Respublika Neyrocərrahiyyə Xəstəxanasında tibb bacılarının səhlənkarlığı ucbatından öldüyü bildirilir.
Dünyasını dəyişən azyaşlının həkiminin Fuad Dövlətov olduğu qeyd olunur.
[video width="360" height="640" mp4="https://insanoid.com/storage/thumbs/large/2024/06/202406140944.mp4"][/video]
