Bir qrup azərbaycanlı gənc Zəfər Günü münasibətilə Nyu-Yorkun məşhur Tayms-skver meydanında aksiya keçirib. Bu barədə noyabrın 9-da İnsanoid xəbər verir.
Onlar xüsusi avtomobil vasitəsilə Qarabağ və Vətən müharibəsi haqqında video və şüarlar nümayiş etdiriblər. Yerli sakinlərə Azərbaycanın qələbə yolu və Ali Baş Komandanın rəhbərliyi ilə qazanılan zəfər haqqında məlumat verilib.
Təşəbbüsün məqsədi ABŞ-də yaşayanlara həqiqətləri çatdırmaqdır.
Qeyd edək ki, aksiya iştirakçılarından biri Vətən müharibəsində könüllü iştirak etmək üçün ABŞ-dən Azərbaycana gələn Hüseyn Məmmədovdur. O, ailəsinə "İstanbula istirahətə gedirəm" deyǝrǝk birbaşa cəbhəyə yollanıb.
Soydaşımız məxfi hissənin sürücüsü və kiçik çavuş kimi fəaliyyət göstərib. O, Şuşa şəhərinin işğaldan azad olunmasında iştirak edib.
View this post on Instagram
