Noyabrın 22-də ABŞ-nin Nyu-York şəhərində dahi bəstəkar Fikrət Əmirovun anadan olmasının 100 illiyi münasibətilə konsert veriləcək.
Konsert Azərbaycanın Əməkdar artisti Nərgiz Əliyarovanın rəhbərliyi altında keçiriləcək. Tədbirin unikallığı ondan ibarətdir ki, bu konsert dünyanın ən prestijli konsert salonlarından biri sayılan Carnegie Hall-un ən böyük zalında keçiriləcək.
Bu, ölkəmizin tarixində ABŞ-də belə böyüklükdə keçirilən ilk tədbir olacaq. 3 000 nəfərə qədər tutumlu Carnegie Hall-un böyük zalında ilk dəfə olaraq Azərbaycan musiqisi səslənəcək. Azərbaycan, türk və yəhudi bəstəkarlarının əsərlərinin səsləndiriləcəyi konsert “Dostluq körpüsü” adlanır.
Bu tədbir amerikalılara mədəniyyətimizin səviyyəsini və regionumuzda oynadığımız mühüm rolu göstərmək üçün tarixi fürsətdir. Uzaqda yaşayan və konsertə gələ bilməyən, lakin layihəyə maddi dəstək olmaq istəyənlər bilet alıb [email protected] ünvanına göndərə bilərlər. Biletlər amerikalı qonaqlara paylanacaq.
Biletləri linkə keçid edərək almaq mümkündür.
