Oğuzda yol qəzası baş verib. Bu barədə 2 avqust tarixində APA məlumat verib.
Hadisə rayonun Bucaq kəndində qeydə alınıb.
Oğuz rayon sakininin idarə etdiyi "Nissan" markalı avtomobil hərəkətdə olarkən idarəetmədən çıxaraq yolun kənarındakı ağaca dəyib. Bu zaman avtomobilin təkərindən çıxan daş parçası ərazidə olan kənd sakini Bəlyar Qafarova xəsarət yetirib.
63 yaşlı sakin müxtəlif dərəcəli bədən xəsarətləri alıb.
Yaralı Oğuz Rayon Mərkəzi Xəstəxanasına (RMX) yerləşdirilib. Daha sonra isə o, Şəki RMX-yə göndərilib.
Faktla bağlı araşdırma aparılır.
