Baş Narkotiklərlə Mübarizə İdarəsi narkokuryerlik edən şəxsi saxlayıb. Bu barədə İnsanoid Daxili İşlər Nazirliyinə istinadən bu gün, 9 yanvar tarixində məlumat verir.
Polisin Neftçala rayonunda keçirilən növbəti tədbiri zamanı balıqçılıq fəaliyyəti adı altında narkotiklərin qanunsuz dövriyyəsini təşkil edən əvvəllər məhkum olunmuş rayon sakini 45 yaşlı Rəşad Nağıyev saxlanılıb.
Həmin şəxsin üzərindən və yaşadığı evdən ümumilikdə 29 kiloqram, o cümlədən tərkibi psixotrop maddələrlə zənginləşdirilən 28 kiloqramdan artıq qurudulmuş marixuana və 1 kiloqram tiryək aşkar edilib.
R.Nağıyev ölkəyə İran İslam Respublikasından qaçaqmalçılıq yolu ilə gətirilən narkotikləri Xəzər dənizinin Neftçala rayonu ərazisindən keçən hissəsində qarşılayaraq, Bakı şəhərində ayrı-ayrı şəxslərə çatdırıb pul qazanmaq məqsədi ilə əldə etdiyini bildirib.
Faktla bağlı cinayət işi başlanılıb, saxlanılan şəxs barəsində həbs qətimkan tədbiri seçilib.
Əməliyyat-istintaq tədbirləri davam etdirilir.
[caption id="attachment_157906" align="alignnone" width="696"]
Foto Baş Narkotiklərlə Mübarizə İdarəsinin rəsmi Youtube kanalı[/caption]
