Noyabrın 5-də 289 müntəzəm və qeyri-müntəzəm reyslə 9 341, noyabrın 6-da isə 267 reyslə 8 607 sərnişin müxtəlif şəhər və rayonlara daşınıb. Bu barədə 7 noyabr tarixində Report Bakı Beynəlxalq Avtovağzal Kompleksinin mətbuat katibinə istinadən bildirlib.
Onun sözlərinə görə, Bakıdan regionlara sərnişin axını, əsasən, 14 istiqamətdə qeydə alınıb: “ Bakı Beynəlxalq Avtovağzal Kompleksi gücləndirilmiş iş rejimində fəaliyyət göstərir. Əsas axın Quba, Qusar, Masallı, Lənkəran, Lerik, Astara, Gəncə, Bakı-Qırmızı Körpü, Mingəçevir, İsmayıllı, Qəbələ, Şəki, Qax, Zaqatala istiqamətlərində olub”.
Vətəndaşlar biletləri avtovağzalın gündəlik və qabaqcadan satış kassalarından, eləcə də “avtovagzal.az” saytından onlayn qaydada əldə edə bilərlər.
Vətəndaşlar “1414” Çağrı Mərkəzinə zəng edərək onları maraqlandıran suallarla bağlı ətraflı məlumat ala bilərlər.
Qeyd olunub ki, gücləndirilmiş iş rejimi noyabrın 9-na qədər davam edəcək.
