Ötən il xarici ölkə vətəndaşları Türkiyədə 67 min 490 mənzil alıblar. Bu barədə 17 yanvar tarixində APA Türkiyə Statistika Qurumuna istinadən məlumat verib.
Ümumilikdə Azərbaycan vətəndaşları 2022-ci il ərzində Türkiyədə 1 330 mənzil alıblar. Bununla da Türkiyədə ötən il ərzində mənzil alan xarici ölkə vətəndaşlarının siyahısında Azərbaycan vətəndaşları 9-cu pillədə qərarlaşıblar.
2022-ci ildə Türkiyədə mənzil alan xarici ölkə vətəndaşlarının ilk üçlüyünə gəlincə, Rusiya vətəndaşları bu siyahıda birinci pillədədirlər (16 min 312). İran vətəndaşları 8 min 223 mənzillə ikinci, İraq vətəndaşları isə 6 min 241 mənzil sayı ilə üçüncü yerdədirlər.
