“Azərbaycanlılar qardaş özbək xalqına Fransa Senatında Ermənistan-Azərbaycan münaqişəsinə birtərəfli baxışa qarşı olan Petisiyaya dəstək vermək xahişi ilə müraciət ediblər”. Bu barədə Özbəkistanın KİV-lərində məlumat yayılıb.
“Ravshan Shorikov” Telegram telekanalında aşağıdakılar qeyd edilib:
Oktyabrın 3-də Fransa Senatının üzvləri öz hökumətlərini və Aİ ölkələrinin Azərbaycan nefti və qazını almasına embarqo qoymağa təşəbbüs göstərməyə çağıran qətnamə layihəsini irəli sürüblər. Bu qətnamə üzrə səsvermə noyabrın 15-nə təyin edilib.
Özbəkistan prezidenti ötən il Türk Şurasının sammitində çıxış edərkən İkinci Qarabağ müharibəsi nəticəsində tarixi ədalətin bərpa olunduğunu desə də, Fransadakı erməni lobbisi Qarabağın işğaldan azad edilməsinin qisasını almağa çalışır.
Ancaq Qarabağ təkcə Azərbaycanın haqqı deyil, həm də bütün türk sivilizasiyasının mədəni və tarixi irsidir. Məhz burada Böyük Əmir Teymur Asiya və Şərqi Avropanın taleyinə təsir edən bir çox qərarları qəbul etmişdir. Burada 1403-1404-cü illərin qış aylarında onun mənəvi tərbiyəçisi, peyğəmbərin nəslindən olan Mir Səid Barak vəfat etmişdir. Görkəmli özbək astronomu və riyaziyyatçısı kimi tarixə düşən Mirzo Uluqbek uşaq ikən qışı burada keçirmişdir.
Oktyabrın 11-də Azərbaycanın 10 vətəndaşından ibarət təşəbbüs qrupu Fransanın saytında öz xalqı adından Senata və Fransa xalqına petisiya hazırlayıb. İlk iki həftə ərzində, demək olar ki, 50 000 insan petisiyanın lehinə səs verib. Üstəlik, təkcə Azərbaycan sakinləri deyil, İran, Rusiya, Qazaxıstandakı azərbaycanlılar da səs verirlər. Fransanın Bakı, Moskva və Astanadakı səfirlikləri qarşısında aksiyalar keçirilib.
Həmçinin bildirilib ki, Azərbaycanlı qardaşlar noyabrın 15-dək (yəni Senatda anti-Azərbaycan qətnaməsinin səsvermə gününə qədər) petisiyaya səslərin sayını 100 minə çatdırmağa, dünya mediasına da mesajlarını çatdırmağa çalışırlar. Onlar özbək xalqından onların təşəbbüsünə qoşulmağı xahiş edirlər, əks halda altı ay və ya bir ildən sonra Özbəkistanın özü də oxşar vəziyyətlə üzləşə bilər. Fransa mediası artıq Özbəkistan haqqında alçaldıcı və təxribatçı tonda danışmağa başlayıb:
AZƏRBAYCAN XALQI ADINDAN QARDAŞ ÖZBƏK XALQINA MÜRACİƏTİN tam mətni (rus dilində):
https://insanoid.com/obrashhenie-ot-imeni-azerbaydzhanskogo/
AZƏRBAYCAN XALQI ADINDAN QARDAŞ ÖZBƏK XALQINA MÜRACİƏT (Özbək dilində):
https://insanoid.com/ozarboyzhon-khalki-nomindan-birodar-%D1%9Ez/
