Bakı şəhəri Səbail rayonunun Yusif Məmmədəliyev küçəsi, 21 ünvanında yerləşən 3350 inventar nömrəli yerli əhəmiyyətli memarlıq abidəsinə müdaxilə olunduğu aşkar olunub.
Bu barədə İnsanoid Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə istinadən bu gün, 30 dekabr tarixində xəbər verir.
Bakı Regional Mədəniyyət İdarəsinin əməkdaşları tərəfindən yol verilmiş müdaxilə faktının qarşısı alınıb. Tarixi abidənin birinci mərtəbəsində fasad hissəyə bərkidilmiş əlüzyuyan çanaq sökülüb.
Yol verilmiş qanun pozuntusu ilə bağlı obyekt sahibinə xəbərdarlıq edilib.
"Bir daha vətəndaşlarımızı mədəni irsin qorunmasına həssas yanaşmağa çağırırıq", - məlumatda deyilir.
