Bakının Nərimanov rayonu ərazisində Firdovsi Məmmədov küçəsində aparılan təmir işləri yekunlaşdırılıb. Bu barədə 2 avqust tarixində Azərbaycan Avtomobil Yolları Dövlət Agentliyi məlumat verib.
Uzunluğu 401 metr, eni 9 metr təşkil edən sözügedən küçənin təmiri çərçivəsində küçəyə bordür düzülüb, 666 kvadratmetr sahədə piyada səkiləri bərpa olunub, frezlənmə və yeni asfalt-beton örtüyünün döşənməsi icra olunub.
Aparılan təmir işləri 3 930 kvadratmetrə yaxın sahəni əhatə edib.
Mövcud yağış-kanalizasiya sistemi bərpa edilib, yeni yağış barmaqlıqları quraşdırılıb və kommunikasiya xətlərinin baxış qapaqları yenisi ilə əvəzlənib.
Küçə zəruri yol nişanları, üfüqi nişanlanma xətləri, piyada zolaqları və parkinq yerləri ilə təmin olunub.
[gallery columns="2" link="file" size="full" ids="124155,124156"]
