Qəbələdə torpaq kanallar lildən təmizlənir, sel sularına qarşı mübarizə tədbirləri gücləndirilir. Bu haqda Trend martın 18-də məlumat yayıb.
Bu məqsədlə Qəbələ Suvarma Sistemləri İdarəsi tərəfindən 1 320 kubmetr daş-beton bəndin, 100 kubmetr qabion bəndin, 50 kubmetrə yaxın şax bəndin vurulması və çay məcralarının təmizlənməsi işləri nəzərdə tutulub. Ümumi olaraq Qəbələ rayonunda 15 kilometrdən artıq daş-beton bənd vurulub.
2022-ci ildə 15 924 ha suvarılan sahəni su ilə təmin etmək məqsədilə kanal və arxlarda lildən və kol - kosdan təmizləmə işləri planlaşdırılıb.
Qeyd edək ki, Qəbələ Suvarma Sistemləri İdarəsinin balansında 972 km. kanal və arxlar mövcuddur. Rayon ərazisində yerləşən əkin sahələrinin suvarılması üçün 12 suvarma mənbəyindən su götürülür.
