Qəbələdə atasından polisə şikayətə gələn şəxs ölüb. Bu barədə 3 iyul tarixində Report məlumat verib.
İyulun 3-də saat 16 radələrində Qəbələ rayonunun Dizaxlı kənd sakini, 1975-ci il təvəllüdlü Soltanov Teymur Cəfər oğlu atası tərəfindən ona məxsus torpaq sahəsinin zəbt edilməsi ilə bağlı polisə müraciət edib.
Torpaq sahəsinin zəbt edilməsinə görə özünü öldürəcəyini bildirən şəxs rayon polis şöbəsinə dəvət edilib. O, sərxoş vəziyyətdə polis şöbəsinə gəldikdən sonra saat 19 radələrində qəfil halı pisləşdiyi üçün təcili tibbi yardım çağırılıb. Tibbi müdaxilələrə baxmayaraq, o, ürək tutmasından ölüb.
Əvvəllər Cinayət Məcəlləsinin müxtəlif maddələri (221, 243, 315) ilə məhkum olunan şəxsin yaxınlarının iştirakı ilə meyitə baxış keçirilib, məhkəmə-tibbi ekspertizalar təyin edilib, digər zəruri prosessual hərəkətlər yerinə yetirilib.
Araşdırmalar davam etdirilir.
