Azərbaycan, Türkiyə və Gürcüstan xüsusi təyinatlı qüvvələrinin iştirakı ilə Azərbaycanda keçirilən “Qafqaz Qartalı - 2024” birgə təliminin açılış mərasimi keçirilib.
Bu barədə İnsanoid Müdafiə Nazirliyinə istinadən bu gün, iyunun 4-də məlumat verir.
Əvvəlcə Azərbaycan, Türkiyə və Gürcüstan respublikalarının müdafiəsi və suverenliyinin qorunması uğrunda həlak olmuş hərbi qulluqçuların xatirəsi bir dəqiqəlik sükutla yad edilib, hər üç ölkənin Dövlət Himni səsləndirilərək dövlət bayraqları qaldırılıb.
Açılış mərasimində Xüsusi Təyinatlı Qüvvələrin komandanı vəzifəsini icra edən general-mayor Akif Pirverdiyev çıxış edərək, Müdafiə Nazirliyi rəhbərliyinin təbrikini şəxsi heyətə çatdırıb, təlim iştirakçılarına uğurlar arzulayıb.
Mərasimin rəsmi hissəsi başa çatdıqdan sonra təlim iştirakçıları üçün “Zirvədən-Zirvəyə, Qafqaz Qartalı!” adlı konsert proqram təqdim olunub.
Bədii proqramda Həzi Aslanov adına Ordu İdeoloji və Mədəniyyət Mərkəzinin mahnı və rəqs ansamblının, Cəmşid Naxçıvanski adına Hərbi Liseyin hərbi orkestrinin, Bakı Xoreoqrafiya Akademiyasının və “Səma” rəqs ansamblının üzvləri yer alıblar.
