İşğaldan azad olunmuş ərazilərə təşkil edilən müntəzəm avtobus reyslərinin avqust ayı üçün biletləri satışa çıxarılacaq. Bu barədə 24 iyul tarixində Azərbaycan Yerüstü Nəqliyyat Agentliyi (AYNA) məlumat yayıb.
Biletlərin satışına iyulun 26-sı saat 11:00-dan başlanacaq.
Sərnişinlər gediş və qayıdış biletlərini əvvəlcədən www.yolumuzqarabaga.az portalında onlayn qaydada əldə edə bilərlər.
Vətəndaşlar bilet almaq üçün şəxsiyyətlərini təsdiq edən sənəddəki məlumatları sistemə daxil etməlidirlər. Hər bir bileti yalnız şəxsiyyət vəsiqəsi ilə eyniləşdirilən vətəndaş istifadə edə bilər. Biletləri başqa şəxsə ötürmək olmaz.
