Bakı metropoliteni “Qarabağ” futbol klubunun oyunu ilə əlaqədar iş rejimində dəyişiklik edəcək. Bu barədə İnsanoid APA-ya istinadən bu gün, 13 dekabr tarixində xəbər verir.
Bu matç UEFA Avropa Liqasında Azərbaycanı təmsil edən “köhlən atlar” üçün qrup mərhələsinin həlledici oyunu olacaq.
Azərbaycan Futbol Assosiasiyası metropolitenə bununla bağlı müraciət edib.
Müvafiq müraciətə əsaslanaraq, bütün stansiyalar dekabrın 14-dən 15-nə keçən gecə saat 01:00-a qədər sərnişinlərin girişinə açıq olacaq.
Qarşılaşma Tofiq Bəhramov adına Respublika stadionunda keçiriləcək.
“28 May” və “Nərimanov” stansiyalarında ehtiyat tədbriləri görüləcək.
Ümumilikdə gün ərzində Bakı metropoliteninin bütün stansiyalarında qatarların hərəkəti payız-qış iş rejiminin iş günləri qrafikinə uyğun təşkil ediləcək.
Oyundan sonra ehtiyat qatarlardan istifadə olunacaq.
