Qaxda iki azyaşlı dərmandan zəhərlənib. Bu barədə 19 may tarixində APA məlumat verib.
Belə ki, mayın 17-si axşam saatlarında rayonun Qum kəndinin 2020-ci il təvəllüdlü sakini Zaira Məmmədova və Fıstıqlı kəndinin 2020-ci il təvəllüdlü sakini Melisa Məmmədli zəhərlənmə əlamətləri ilə Qax Rayon Mərkəzi Xəstəxanasına (RMX) daxil olublar. Müayinə zamanı yaxın qohum olan hər iki azyaşlının nəzarətsiz qalaraq, sakitləşdirici dərman içərək zəhərlənmələri məlum olub. Zaira Məmmədova və Melisa Məmmədliyə xəstəxanada lazımi tibbi yardım göstərilib. Azyaşlıların vəziyyətləri stabilləşdiyi üçün evə buraxılıblar.
Faktla bağlı araşdırma aparılır.
