İnkassatorun vurduğu qız xəstəxanada ölüb. Bu barədə 21 mart tarixində Apa.az xəbər yayıb.
Hadisə martın 17-də Sabirabadda baş verib. 45 yaşlı Rauf Zeynalov idarə etdiyi “Ford Transit” avtomobili ilə Bala-Həşimxanlı kəndi ərazisində qarşısına çıxan velosipedçi, 51 yaşlı Suliddin Əliyevi vurub. Nəticədə o, yerindəcə keçinib.
Onun oturacaqda əyləşən qızı, 12 yaşlı Zeynəb Əliyeva isə xəsarətlər alaraq Şirvan şəhər mərkəzi xəstəxanasına yerləşdirilib. Sonradan isə Bakıdakı "City Hospital"a köçürülüb.
Lakin həkimlərin səylərinə baxmayaraq, yeniyetmə 4 gün sonra dünyasını dəyişib.
Faktla bağlı cinayət işi başlanıb.
