"Qırmızı Kitab"ın lll nəşri tam hazırdır. Bu barədə Report 4 may tarixində xəbər verib.
Botanika İnstitutunun direktoru Səyyarə İbadullayeva bildirib ki, 22 May Biomüxtəlifliyin Qorunması Günü ilə əlaqədar kitabın təqdimatı keçiriləcək.
Nazirlər Kabinetinin müvafiq qərarı ilə təsdiq edilmiş “Azərbaycan Respublikasının Qırmızı Kitabı haqqında Əsasnamə”yə uyğun olaraq, “Qırmızı Kitab”ın hər 10 ildən bir nəşri nəzərdə tutulub. 1989-cu ildə nəşr olunan ilk “Qırmızı Kitab”a 140 flora və 108 fauna növü, 2013-cü ildə nəşr olunan ikinci kitaba isə 300 flora və 223 fauna növü daxil edilib.
