Qobuda yol-nəqliyyat hadisəsi baş verib. Bu barədə İnsanoid Fövqəladə Hallar Nazirliyinin (FHN) Mətbuat Xidmətinə istinadən bu gün, 2 may tarixində xəbər verir.
Abşeron rayonunun Qobu qəsəbəsi ərazisində yol-nəqliyyat qəzası baş verib. Nəticədə bir nəfər avtomobildə sıxılı vəziyyətdə qalıb.
Hadisə yerində əməliyyat şəraiti qiymətləndirilərkən müəyyən olunub ki, 41 yaşlı Rəhman Məmmədovun idarə etdiyi “VAZ-2107” markalı minik avtomobilinin idarəetməni itirərək yol kənarındakı işıq dirəyinə çarpılması nəticəsində yol qəzası baş verib və sürücü deformasiyaya uğramış avtomobildə sıxılmış vəziyyətdə qalıb.
Xilasedicilər tərəfindən xüsusi xilasetmə vasitələrindən istifadə olunmaqla avtomobildə sıxılmış vəziyyətdə qalan və müxtəlif bədən xəsarətləri alan sürücü xilas edilərək təcili tibbi yardım briqadasına təhvil verilib.
Bundan əlavə, yol-nəqliyyat qəzası zamanı xəsarət alan sərnişinə xilasedicilər tərəfindən ilkin yardım göstərilərək aidiyyəti üzrə təhvil verilib.
Hadisə ilə əlaqədar müvafiq qurumlar tərəfindən təhqiqat aparılır.
