Sabah Azərbaycanda Qurban bayramı qeyd olunacaq. Bununla əlaqədar qurbanlıq qoçların qiymətləri artmağa davam edir.
İnsanoidin araşdırmalarına əsasən, hazırda qurbanlıq qoçların 1 kq-nın qiyməti 9.50 AZN - 10 AZN arasında dəyişir.
Diri dananın qiyməti çəkisindən asılı olaraq, 1300-1500 manatdır. Doğranmış ətin kilosu isə 13 manat 50 qəpikdir.
Satıcılar bildirirlər ki, bu rəqəmlər, əsasən, bayram günlərində dəyişir. Belə ki, normal günlərdə 1 kq-ı 8-9 AZN-ə satılan qoçlar məhz bayram günlərində 1-2 manat bahalaşır.
Bəzi heyvandarlar isə kiloqrama görə satış etməkdən imtina edirlər. Onlar “ayaqüstü” adlandırdıqları heyvanlara 300 AZN qiymət qoyaraq, kiloqramının qiymətinin 10 AZN-ə başa gəldiyini iddia edirlər.
Kəsmək, doğramaq xidməti pulsuzdur.
