Ramazan ayının gəlişi ilə dünya müsəlmanları oruc tutmağa başlayır. Lakin bir sıra insana müxtəlif səbəblərə görə oruc tutmaq tövsiyə edilmir. Bəzi hallarda isə ümumiyyətlə qadağandır.
Həkimlər xərçəng, vərəm, diabet, xora, zob və astma xəstələrinə, eləcə də hamilə və südverən qadınlara oruc tutmağı məsləhət görmürlər. Bu qrupdan olan xəstələrə ac və susuz qalmaq zərərlidir.
Ürək və qan-damar xəstələrinə isə bu məsələyə ehtiyatla yanaşmaq tövsiyə edilir. Belə ki, uzun müddət susuz qalmaq qanın laxtalanmasına səbəb ola bilər.
Dini baxımdan, insan qocalıq və ya xəstəlik səbəbindən oruc tuta bilmirsə, bu onun üçün vacib sayılmır. Həmin şəxslər hər günün müqabilində bir yoxsula fidyə verməlidirlər. Fidyə deyərkən, 750 qram buğda, arpa, un, çörək, düyü və ya bu növ ərzaq məhsulları nəzərdə tutulur.
Eyni zamanda, İslam dini 10 gündən artıq səfərdə olan şəxslərə oruc tutmağı qadağan edir.
Qeyd edək ki, Azərbaycanda Ramazan ayı aprelin 2-dən başlayır. Ramazan bayramı dövlət səviyyəsində iki gün – mayın 2-si və 3-ü qeyd olunacaq.
