Dekabrın 18-də saat 11:00 radələrində Saatlı Rayon Mərkəzi Xəstəxanasına kütləvi zəhərlənmə ilə bağlı çağırış daxil olub. Bu barədə 18 dekabr tarixində APA məlumat verib.
Tibb müəssisəsinin Təcili tibbi yardım şöbəsinə 9 nəfər yerləşdirilib. Onlara dəqiqləşdirilməmiş dəm qazı zəhərlənməsi diaqnozu qoyulub.
Məktəbliləri dərsə aparan mikroavtobusda dəm qazının sızması ehtimal olunur.
Zərərçəkənlərin müalicələri davam etdirilir. Vəziyyətləri stabil qiymətləndirilir.
Qeyd edək ki, zəhərlənənlərdən biri müəllim, 8-i isə şagirddir.
