"Sabah" basketbol klubu mövsümlərarası fasilədə ilk transferini gerçəkləşdirib. Bu barədə İnsanoid klubun mətubat xidmətinə istinadən bu gün, 2 avqust tarixində xəbər verir.
Azərbaycan millisinin əsas heyət üzvü Endər Poladxanlı ilə 1 illik müqavilə bağlanıb.
2022/2023 mövsümündə "Sərhədçi"də çıxış etmiş oyunçu 499 xal, 184 ribaund və 103 assistlə komandasının liderlərindən olub.
Endər Poladxanlı 2022-ci ildə Türkiyənin Konya şəhərində keçirilmiş İslam Həmrəyliyi Oyunlarında basketbolun 3x3 növündə gümüş medal qazanıb.
2016-cı ildə San-Marinoda təşkil olunan Avropa Çempionatının C divizionunda U-18 millisinin heyətində qızıl medal əldə edib. Komandanın kapitanı olaraq, təşkilatçılar tərəfindən çempionatın ən yaxşı oyunçusu (MVP) adına layiq görülüb.
