Sabah Bakıda və Abşeron yarımadasında havanın, əsasən, yağmursuz olacağı gözlənilir. Bu barədə 7 avqust tarixində Milli Hidrometeorologiya Xidməti məlumat yayıb.
Gecə və səhər yarımadanın bəzi yerlərində qısamüddətli yağış yağacağı ehtimalı var. Şimal-qərb küləyi əsəcək. Havanın temperaturu gecə 23-28° isti, gündüz 33-38° isti olacaq.
Azərbaycanın rayonlarında hava şəraitinin, əsasən, yağmursuz keçəcəyi gözlənilir. Lakin gündüz bəzi dağlıq ərazilərdə qısamüddətli yağış yağacağı, şimşək çaxacağı gözlənilir. Gecə və səhər bəzi rayonlarda duman olacaq, mülayim şərq küləyi əsəcək.
Havanın temperaturu gecə 21-26°, gündüz 35-40°, bəzi yerlərdə 42°, dağlarda gecə 15-20°, gündüz 24-29° isti olacaq.
