Sabah, martın 19-dan başlayaraq Bakı-Gəncə sürət qatarının hərəkəti bərpa olunur. Bu haqda APA xəbər paylaşıb.
Biletləri bu gündən əldə etmək olar. Gediş haqqı standart yerlər üçün 10 manatdan 20 manata, biznes yerlər üçün isə 25 manatdan 33 manata çatdırılıb.
Bilet alışı zamanı 18 yaşdan yuxarı olan vətəndaşlardan peyvənd, əks-göstəriş və ya immunitet sertifikatı tələb olunacaq.
Qatarın hərəkət cədvəli və gediş haqqı tarifləri barədə ətraflı məlumatı ticket.ady.az portalından əldə etmək olar.
