Futbol üzrə Azərbaycan Premyer Liqasında XIV turun daha bir oyunu keçirilib. Bu barədə İnsanoid bu gün, 25 noyabr tarixində xəbər verir.
Günün ilk matçında "Səbail" "Kəpəz"i qəbul edib.
“ASCO Arena”dakı qarşılaşma qolsuz bərabərliklə başa çatıb. Bu nəticədən sonra "dənizçilər" 21 xalla 3-cü, qonaqlar 10 xalla 9-cu pillədə qərarlaşıblar.
Ötən gün "Qarabağ" səfərdə "Sabah"ı 2:1 hesabı ilə üstələyib. Tura noyabrın 26-da oynanılacaq "Neftçi" - "Araz-Naxçıvan" və "Sumqayıt" - "Zirə" matçları ilə yekun vurulacaq.
