Sabirabadda son bir ay ərzində rayon ərazisində narkotik vasitələrin qanunsuz dövriyyəsi, satışı və narkotik tərkibli bitkilərin kultivasiyası ilə məşğul olan, oğurluq, hədə-qorxu ilə pul tələb etmə və adam oğurluğu cinayətləri edən ümumilikdə 44 nəfər saxlanılıb.
Bu barədə İnsanoid DİN-in Mətbuat Xidmətinə istinadən bu gün, iyulun 14-də xəbər verir.
Həmin şəxslərdən 36-sı narkotik vasitələrin qanunsuz dövriyyəsinin qarşısının alınması istiqamətində polisin keçirdiyi əməliyyatlar nəticəsində tutulub.
Qanunsuz dövriyyədən ümumilikdə 20 kiloqrama yaxın heroin, tiryək, metamfetamin və marixuana, eləcə yaş çəkisi 100 kiloqram olan xüsusi aqrotexniki qaydada qulluq edilərək yetişdirilmiş 318 ədəd çətənə bitkisi çıxarılıb.
Qeyd edilən dövr ərzində evlərdən, apteklərdən və mağazalardan oğurluqlar edən 3, rayon sakini olan bir nəfərə hədə-qorxu gələrək pul tələb edən 2 və adam oğurluğu cinayəti törədən 3 nəfər şəxs də saxlanılaraq məsuliyyətə cəlb olunub.
Bütün faktlarla əlaqədar cinayət işləri başlanılıb, araşdırmalar davam etdirilir.
[caption id="attachment_121964" align="alignnone" width="696"]
Foto DİN[/caption]
